佢係一舊秋刀魚壽司，但佢唔單止係一舊秋刀魚壽司，佢係一舊近兩年黎（根據Sushi Mamoru 嘅日本師傅所講）最當造，來自北海道（？飲左酒記得唔係好清楚）嘅勁秋刀魚嘅壽司。佢係今個2024年我食過最震撼嘅野（勁到我覺得我條脷未夠班食佢）。
點解我要po 佢呢，因為今年對我黎講係好meaningful 嘅一年，一係唔去一去就去左兩次camping 仲要兩次都好enjoy 好感恩（講真嘅），omakase 嘅旅程開始左又結束左（因為無錢），工作方面結束左又開始緊（幫緊你幫緊你好快），係充滿感激嘅一年（無神論者都可以心存感激，呢樣同時都好重要）。
anyway，做人真係好難，難在你想幫人人地未必想你幫，你擅長做嘅野可能你唔鍾意，你鍾意嘅未必係你handle 到嘅野，你想改變世界都要講timing，唔係唔得但係遲幾年可能你就唔夠力做呢啲野，或者已經唔到你做。
世界給予人選擇嘅權利，只係被社會剝削左大部分。所以選擇左堅持嘅需要支持，選擇左妥協嘅需要理解。用心聽細心睇，大家都有大家做人嘅方式，呢個係我明白左但未知實唔實踐到嘅課題。
講返呢舊我最少食到5到6個layer 嘅秋刀魚壽司，佢令我明白到人需要迎接顛峰in order to 突破顛峰，而呢個年紀正正就係最好嘅timing。
所以 to 2025，希望我可以做出到我80歲果陣會講：「嘩唔係講笑我廿五六歲果陣真係癲架喎」嘅事。
準備迎接，準備突破。
大家都要加油。
Happy or not, its a whole new year ahead.
